न्यू धादिङ बोर्डिङ स्कूलमा खेलकुद सप्ताह सम्पन्न

धादिङ २८ मंसिर

धादिङको नीलकण्ठ नगरपालिका वडा नम्बर ३ मा रहेको न्यू धादिङ बोर्डिङ स्कूलमा खेलकुद सप्ताह सम्पन्न भएको छ ।

मंसिर २५ गते मंगलबारबाट ४ दिनसम्म संचालन भएको खेलकुद सप्ताहको शुक्रबार समापन गरिएको हो ।

४ दिन सम्म सञ्चालन भएको खेल सप्ताहमा Mathematical Race, skipping Race, Tail Pulling, Memory Test, Musical chair, Save Balbon, Coin Picking, Badminton, Table Tennis खेलकुद समावेश गराईएको विद्यालका शिक्षक विवेक गुरुङले रेडियो बिहानीलाई जानकारी दिनुभयो ।

सम्पुर्ण विजयी विद्यार्थीहरुलाई विद्यालय व्यवस्थापन समितिका अध्यक्ष बद्री प्रसाद कोइराला र विद्यालयका प्रधानाध्यापक अभिषेक बस्यौलाद्वारा पुरस्कार वितरण गरीएको शिक्षक गुरुङले बताउनुभयो ।

विद्यालयका प्रधानाध्यापक बस्यौलाले स्वास्थ्य खेलकुद कार्यक्रमले र फिटनेस साथै अनुशासन मित्रता,समूहकार्य एवं मनोरञ्जन पनि प्राप्त हुने र आँउदा दिनहरुमा पनि यस्ता कार्यक्रमलाई जोड दिने प्रतिवद्धता व्यक्त गर्नुभयो ।

साथै सम्पुर्ण खेल अवधिभर विद्यार्थीहरुको उत्साह जनक सहभागिता रहेको विद्यालयका खेलकुद संयोजक राज कुमार तामाङले जानकारी दिनुभयो ।