माओवादी केन्द्र गङ्गाजमुनाको सम्मेलन,बृहत सास्कृतिक कार्यक्रमका बीच हुँदै

धादिङ २७ मंसिर

नेकपा माओवादी केन्द्र गंगाजमुना गाउँसमितिको तेस्रो गाउँ सम्मेलन हुने भएको छ ।

मंसिर २८ गते धादिङको गंगाजमुना गाउँपालिका वडा नम्बर ६ फुलखर्कमा हुने सभामा नेकपा माओवादी केन्द्र धादिङका ईञ्चार्ज एवम् संविधान सभाका सदस्य पुष्प विक्रम मल्लको प्रमुख आतिथ्यता तथा माओवादी केन्द्रका केन्द्रिय सदस्य राम बहादुर भण्डारी, नेकपा माओवादी केन्द्र बागमती प्रदेश कमिटीको सहसचिव दल बहादुर बुर्लाकोटी,नेकपा माओवादी केन्द्र धादिङका जिल्ला संयोजक मनराज भण्डारी र जिल्ला समन्वय समितिका प्रमुख नवराज अधिकारीको विशिष्ठ आतिथ्यतामा रहने गंगाजमुना गाउँपालिका उपाध्यक्ष रामेश्वर सिंखडाले रेडियो बिहानीलाई बताउनुभयो ।

साथै नेकपा माओवादी केन्द्र गंगाजमुना गाउँ सम्मेलन आयोजक समितिको आयोजनामा हुने कार्यक्रममा विभिन्न ख्याती प्राप्त कलाकारहरु सन्दिप स्याम्चेन, सन्जु लामा र सरोज सिंखडाको विशेष सांस्कृतिक प्रस्तुति रहने भएकाले सम्पुर्ण महानुभावहरुलाई उपस्थितिको लागि अनुरोध गरिएको छ ।