बेनीघाट रोराङ गा.पा मा पुर्व प्रधानमन्त्री प्रचण्ड आउने

धादिङ २३ मंसिर

धादिङको बेनीघाट रोराङ गाउँपालिकामा पुर्व प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल प्रचण्ड आउने भएको छ ।

मंसिर २७ गते वडा नम्बर ८ स्थितमा रहेको कालिका माध्यमिक विद्यालयमा सञ्चालन हुन लागेको एकीकृत छात्राबासको समुद्धघाटन समारोहमा प्रमुख अतिथिको रूपमा पुर्व प्रधानमन्त्री प्रचण्ड आउनुहुने गाउँ पालिकाले जनाएको छ ।

उक्त एकीकृत छात्राबास समुद्धघाटन तथा चैलिङ होमस्टे , एसियाकै ठुलो मानिएको नोहक गुफा क्षेत्रलाई पर्यटन गन्तव्य बनाउन बेनीघाट रोराङ गाउँपालिकाको आयोजनामा हुने उक्त कार्यक्रम कालिका माध्यमिक विद्यालयको प्राङगणमा हुने भएको छ ।

गाउँपालिकाले सूचना जारी गर्दै सम्पुर्ण राजनितिक दल निजी क्षेत्र, शिक्षक,आमासमुह, समाजसेवी, बुद्धिजीवी, शिक्षाप्रमी लगायत सम्पुर्ण जनसमुदायलाई उपस्थितिको लागि आग्रह समेत गरेको छ ।