रि गाउँ मा. वि मा हाजिरी जवाफ प्रतियोगिता सम्पन्न

धादिङ २१ मंसिर

उत्तरी धादिङको गंगाजमुना गाउँपालिका वडा नम्बर १ मा रहेको रि गाउँ माध्यमिक विद्यालयमा हाजिरी जवाफ प्रतियोगिता सम्पन्न भएको छ ।

शुक्रबार महिला हिंसा सम्बन्धि अभियान शिर्षकमा भएको सदनात्मक हाजिरी जबाफ प्रतियोगितामा पहेलो सदनबाट कोपिला तामाङको समूह प्रथम भएको रि गाउँ माध्यमिक विद्यालयका प्रधानाध्यपक रामचन्द्र सिटौलाले रेडियो बिहानीलाई बताउँनुभयो ।

त्यस्तै हरियो सदनबाट रोशन तामाङको समूह दित्तिय, रातो सदनबाट समिता तामाङको समूह तृतिय र निलो सदनबाट सृष्टि तामाङको समुह सान्त्वना भएको प्रधानाध्यापक सिटौलाले जानकारी दिनुभयो । त्यस्तै सम्पुर्ण विजयी भएका विद्यार्थीहरुलाई स्टेशनरी सामग्रीद्धारा पुरस्कृत गरिएको बताउनुभयो ।