धादिङ बोर्डिङमा विज्ञान तथा गणित हाजिरी जवाफ प्रतियोगिता सम्पन्न

अपिल कोइराला
धादिङ १७ मङ्सिर
धादिङ आवासीय माध्यमिक विद्यालयमा अतिरिक्त कृयाकलाप अन्तरगत मङ्गलबार दुई चरणमा विज्ञान तथा गणित हाजिरी जवाफ प्रतियोगिता गरेको छ । विद्यार्थीहरुलाई विज्ञान तथा गणितका विषयमा थप क्रियाशील बनाउने उद्देश्यका साथ आयोजित प्रतियोगिता कक्षा ५–७ र कक्षा ८/९ को दुई वटा छुट्टा छुट्टै चरणमा आयोजना गरिएको हो । प्रतियोगिताबाट कक्षा ८/९ मा आभाष दुवाडीको समूह प्रथम, सन्देश श्रेष्ठको समूह द्धितीय, अनुज सुवेदीको समूह तृतीय र अनिष राज प्रजापतीको समूह सान्त्वना भएका छन् । यस्तै कक्षा ५–७ अन्तरगत भएको प्रतियोगितामा प्रकृष्ठ श्रेष्ठको समूह प्रथम, शुभरत्न तामाङको समूह द्धितीय, सजिना लगुनको समूह तृतीय र सेजल अधिकारीको समूह सान्त्वना भएका हुन् । विजयी विद्यार्थीहरुलाई मेडलद्धारा पुरस्कृत गरिएको थियो ।