नेकपा खनियाबास गाउँ कमिटीका सबै वडा कमिटीहरुद्धारा सपथ ग्रहण

धादिङ १७ मङ्सिर
प्रेम बहादुर तामाङ

नेपाल कम्युनिष्ट पार्टी (नेकपा) खनियाबास गाउँ कमिटी बैठक तथा सपथ ग्रहण कार्यक्रम मङगलबार खनियाबास गाउपालिका वडा नं ४ दार्खामा सम्पन्न भएको छ । खनियाबास गाउँ कमिटीका अध्यक्ष फुर्र बहादुर तामाङको अध्यक्षता रहेको कार्यक्रममा नेपाल कम्युनिष्ट पार्टी (नेकपा) धादिङका अध्यक्ष नेत्रराज पौेडेलको प्रमुख आतिथ्यता रहेको थियो । सपथ ग्रहण कार्यक्रममा नेपाल कम्युनिष्ट पार्टी (नेकपा) धादिङका सचिव विजय बुर्लाकोटी, जिल्ला कमिटि सदस्य सेकेमान तामाङ, यौवन तामाङ लगायत नेकपा नेताहरुको आतिथ्यता रहेको थियो । सपथ ग्रहणबाट वडा नं १ को वडा अध्यक्षमा दिपेश तामाङ, सचिवमा नसुन बहादुर तामाङ सहित २९ जना, वडा नं. २ को वडा अध्यक्षमा प्रेम बहादुर तामाङ, सचिवममा जीत बहादुर तामाङ, सहित २९ जना, वडा नं. ३ को अध्यक्षमा अशरमान तामाङ, सचिवमा दम बहादुर तामाङ सहित २९ जना गरी जम्मा १ सय ४५ जना वडा सदस्यहरुले सपथ लिएको छन् । यस्तै ७५ जना गाउँ पालिका स्तरीय समितिलाई पनि सपथ गराइएको थियो ।