सल्यानटार क्याम्पसको १७ औं वार्षिकोत्सवको अवसरमा ५१ जनाले गरे रक्तदान

धादिङ २१ कार्तिक
सल्यानटार क्याम्पसको १७ औं वार्षिकोत्सवको अवसरमा ५१ जनाले रक्तदान गरेका छन् ।

त्रिपुरासुन्दरी गाउँपालिका–१ सल्यान्टार स्थित सल्यान्टार क्याम्पसले आयोजना गरेको रक्तदान कार्यक्रममा ११ जना महिला र ४० जना पुरुष गरी ५१ जनाले रक्तदान गरेको नेपाल रेडक्रस सोसाइटी रक्तसंचार सेवा केन्द्र धादिङको कोषाध्यक्ष नारायण कुमार श्रेष्ठले जानकारी दिनुभयो ।

बुधबार बिहान १० बजेदेखि दिउँसो ४ बजेसम्म सल्यान्टार क्क्याम्पस पसिरमा भएको रक्तदान कार्यक्रममा नेपाल रेडक्रस सोसाइटी रक्तसंचार सेवा केन्द्र धादिङको प्राविधिक सहयोग रहेको कोषाध्यक्ष नारायण कुमार श्रेष्ठले बताउनुभयो ।