खनियाबास–३ कुरीमा टोल स्तरीय फुटबल प्रतियोगिता : १६ टिम सहभागि

धादिङ १२ कार्तिक

उत्तरी धादिङको खनियाबास गाउँपालिका ३ स्थित कुरीको कुतिङ खेल मैदानमा टोल स्तरीय फुटबल प्रतियोगितामा सुरु भएको छ ।

आदर्श ङर्दिम युवा समाजको आयोजना र कुरि लालुपाते आमा समूहको सहआयोजनामा आईतबार बाट सुरु भएको टोल स्तरीय फुटबल प्रतियोगितामा १६ टिमले सहभागिता जनाएका छन् ।

उक्त प्रतियोगिताको विजेताले २० हजार २२०, द्वितीयले १० हजार ११० र तृतीय हुने टिमले ५ हजार ५१५ नगद जित्ने छन् ।

४ समूह बनाएर खेलाईएको उक्त टोल स्तरीय प्रतियोगिता कार्तिक १७ गते सम्म चल्ने छ ।