कालीदह धादिङमा सवारी दुर्घटना हुँदा ३ जना घाइते

धादिङ १५ मङ्सिर
कालुपाण्डे राजमार्ग अन्तरगत धादिङको सिद्धलेक गाउँपालिका वडा नं. १ कालिदहमा आइतबार मोटरसाईकल र माईक्रो एक आपसमा ठक्कर खाँदा ३ जना घाईते भएका छन् । घाईते हुनेमा गोर्खा जिल्लाको आरुवामका ३३ वर्षीय रामकुमार श्रेष्ठ, उनकै श्रीमती ३४ वर्षीय मुना श्रेष्ठ र ६ बर्षीय छोरा रोसन श्रेष्ठ रहेको धादिङ प्रहरी कार्यालय धादिङले जानकारी दिएको छ । धादिङबेसीबाट काठमाण्डौं जादैं गरेको बा ४ ख ४१६७ नम्बरको माईक्रोले बा ५४ प ३३२ नम्बरको मोटरसाईकललाई ठक्कर दिदाँ ३ जना घाईते भएका हुन । घाईतेहरुको जिल्ला अस्पताल धादिङमा सामान्य उपचार पश्चात् थप उपचारको लागि काठमाण्डौं पठाईएको जिल्ला प्रहरी कार्यालय धादिङले जनाएको छ । ठक्कर दिने माईक्रो र चालकलाई प्रहरीले नियन्त्रणमा लिएको छ ।