त्रिपुरासुन्दरी गा.पा -७ खहरेमा रक्तदान कार्यक्रम सम्पन्न,२७ जनाले गराए रक्तदान

धादिङ १२ असोज
धादिङको त्रिपुरासुन्दरी गाउँपालिका वडा नम्बर ७ खहरेमा बृहत खुल्ला रक्तदान कार्यक्रम सम्पन्न भएको छ ।

नेत्रावती बचत तथा ऋण सहकारी संस्था लिमिटेडको १७ औं वार्षिक साधारण सभाको अवसरमा रक्तदान कार्यक्रमको आयोजनामा रक्तदान कार्यक्रम सम्पन्न भएको हो ।

शनिबार नेत्रावती बचत तथा ऋण सहकारी संस्था लिमिटेडको आयोजनामा सम्पन्न भएको रक्तदान कार्यक्रममा १२ जना महिला र १५ जना पुरुष गरि जम्मा २७ जनाले रक्तदान गराएका नेपाल रेडक्रस सोसाईटी धादिङ शाखाका कोषाध्यक्ष नारायण कुमार श्रेष्ठले बताउनुभयो ।

बजारमा हुन सक्ने रगत अभावलाई मध्यनजर गर्दै रगत परिपुर्ति गर्ने उद्धेश्यका साथ नेपाल रेडक्रस सोसाईटी धादिङ शाखाले आफ्नो प्राविधिक सहयोगमा विभिन्न संघ संस्थाको स्थापना दिवस, वर्षिकोत्सव, विभिन्न दिवसको अवसरमा रक्तदान कार्यक्रमको आयोजना गर्दै आईरहेको छ ।