देशभर निरन्तर बर्षा, सतर्कता अपनाउन धादिङका सबै स्थानीय तहको अनुरोध

धादिङ १२ असोज

देशभर अविरल बर्षाका कारण काठमाडौ मुग्लिन सडक र आसपासका भित्री सडकहरुमा पहिरोका कारण सडक अबरुद्व हुँदा यात्रीहरुले सास्ती खेप्नुपरेको छ ।

काठमाडौ मुग्लिन सडकको धादिङ जिल्ला अन्तरगतका सडकहरुमा मुग्लिन मलेखु, मलेखु देखि गल्छी, गल्छी देखि काठमाडौ प्रवेश गर्ने नागढुंगा सडक अन्तरगतमा ठाउँ ठाउमा पहिरोले सडक पुर्ण रुपमा ठप्प छ ।

त्यस्तै धादिङको मलेखु देखि धादिङबेशी (कालुपाण्डे राजमार्ग )मा पनि पहिरोले सडक अवरुद्ध छ । सडक पन्छाउने कार्य भैरएको नीलकण्ठ नगरपालिका धादिङले जनाएको छ ।

उता काठमाडौं नुवाकोटको त्रिशुली भर्र्याङ् भुरुङ हुदै धादिङको नेत्रावती डब्जोङ गा.पा सडक खण्डमा पनि बीचबिचमा सडक अबरुद्ध छ, जोखिम मोलेर यात्रा गर्नुपर्ने सवारी चालकको भनाइ छ ।

धादिङ जिल्लाको विभिन्न स्थानीय तहहरुमा पनि मानवीय तथा पशु चौपायाको क्षती भैसकेको छ । नागरिकलाई सतर्कता अपनाउन धादिङ जिल्लाका १३ वटै स्थानीय तहको आग्रह छ ।