पहिरो पन्छाउने क्रममा धादिङमा एक जनाको मृत्यु

धादिङ १२ असोज

घरमा आएको पहिरो सोर्ने क्रममा थाक्रे गाउँपालिका वडा नम्बर ६ महादेवबेशीमा एकजनाको मृत्यु भएको छ ।

तिनदिन देखिको वर्षा कारण घरमा आएको पहिरो सोर्ने क्रममा शनिबार बिहान कान्छा राईको मृत्यु भएको जिल्ला प्रहरी कार्यालय धादिङका सुचना अधिकारी प्रल्हाद सिलवालले जानकारी दिनुभयो ।

करेसामा भल पस्यो भन्दै पन्छाउन लाग्दा घर माथिबाट आएको पहिरोले पुरिँदा मृत्यु भएको सिलवालले बताउनुभयो।

अहिले महादेववेशी र यस क्षेत्रको मशेशखोलामा बाढीको बहाव बढेको छ । नदी तटीय क्षेत्रको घरहरु खालि गरिएको प्रहरीको भनाई छ ।