गंगाजमुना –३ मा टोल सरसफाई कार्यक्रम सुरु

धादिङ ५ असोज

उत्तरी धादिङको गंगाजमुना गाउँपालिका वडा नम्बर –३ मा टोल सरसफाई कार्यक्रम सुरु भएको छ ।

विशेष गरि शनिबारको दिन पारेर जनकल्याण आयआर्जन टोल विकास समितिले सरसफाई कार्यक्रम गरेको हो ।

आफ्नो गाउँ आफैं बनाऔ भन्ने अभियानलाई अघि सार्दै वडा नं.–३ का वडा अध्यक्ष राज कुमार गुरुङको संयोजकत्वमा सबै टोल विकास समितिहरुले तिब्र रुपमा सरसफाई कार्यक्रम सुरु गरेको छ ।

बर्खायाम सकिए लगतै सरसफाई कार्यक्रम सुरुगरेको वडा अध्यक्ष गुरुङले रेडियो बिहानीलाई बताउनुभयो । वडा नम्बर ३ लाई गत जेठ महिनामा गंगाजमुना गाउँपालिका कै पहिलो नमुना सफा तथा स्वच्छ वडा घोषणा गरिएको हो ।