जिल्ला स्तरीय स्पेलिङ कन्टेस्ट प्रतियोगितामा धादिङ बोर्डिङ प्रथम

अपिल कोइराला
धादिङ १३ मङ्सिर
नेशनल प्याब्सन धादिङको आयोजनामा भएको जिल्ला स्तरीय स्पेलिङ कन्टेस्ट प्रतियोगितामा धादिङ बोर्डिङ स्कुल प्रथम भएको छ । जिल्लाभित्रका १५ वटा विद्यालयले सहभागिता जनाएको प्रतियोगितामा धादिङ बोर्डिङले प्रथम स्थान हासिल गरेको हो । प्राथमिक तहको सो प्रतियोगितामा किन्डर वल्र्ड चाइल्ड केयर बोर्डिङ स्कुल द्धितीय र न्यु धादिङ बोर्डिङ स्कुल तृतीय भएका हुन् ।

सोही कार्यक्रमकै अवसर पारी किन्डर वल्र्ड चाइल्ड केयर बोर्डिङ स्कुललाई नेशनल प्याब्सनको सदस्यता प्रदान गरिएको छ । नेशनल प्याब्सनका केन्द्रीय सदस्य कृष्ण प्रसाद दाहालले सो प्रमाण पत्र सोही विद्यालयका प्रधानाध्यापक सूर्य श्रेष्ठलाई प्रदान गरेका हुन् । कार्यक्रममा विजयी विद्यार्थीहरुलाई शिक्षा विकास तथा समन्वय इकाई धादिङका शाखा अधिकृत कृष्ण कुमार श्रेष्ठले पुरस्कार प्रदान गर्नुभएको धादिङ थियो ।