नीलकण्ठ १४ धुवाँकोटमा असोज २३ गते देखि चौंथो कुपा कप सुरु हुदै

धादिङ २९ भाद्र

धादिङको नीलकण्ठ नगरपालिका वडा नम्बर १४, धुवाँकोट कुपा गाउँमा चौंथो कुपा कप अन्तरगत सेभेन ए साइड फुटबल र १० किलोमिटर मिनी म्याराथन (दौड) प्रतियोगिता सुरु हुने भएको छ ।

स्वस्थ जीवनका लागि खेलकुद भन्ने नाराका साथ असोज २३ देखि कार्तिक १ गते सम्म हुने भएको हो ।

प्रतियोगिताको फुटबल तर्फ प्रथम पुरस्कार ६६ हजार ६६६, दोस्रो पुरस्कार ३३ हजार ३३३ र सेमिफाइनल पुग्ने दुई टिमलाई १०÷१० हजार रहेको छ भने कार्तिक १ गते हुने खुला १० किलोमिटर मिनी म्याराथनको प्रथम पुरस्कार २२ हजार र उप विजेताको पुरस्कार ११ हजार रहेको छ ।

बिजय दशमि २०८१ को पावन अवसर ग्रामिण खेलकुद प्रतियोगिता मनोरञ्जन र ठुलो धनराषि पुरस्कारको लागि मात्र नभई व्यक्तिको स्वास्थ्य, सामाजिक एकता सद्भाव, हरेक युवा पुस्तालाई सहभागिता अनि झुझारु (Active) गराउने, लुकेर बसेको प्रतिभाहरु लाई प्रस्फुटन गराउने साथै आन्तरिक पर्यटन विकास गर्ने उद्देश्यका साथ प्रतियोगिता गर्न लागिएको आयोजकले जनाएको छ ।