गंगाजमुना– ३ मा वडा स्तरीय हाजिरी जवाफ प्रतियोगिता सम्पन्न

धादिङ १४ भाद्र
उत्तरी धादिङको गंगाजमुना गाउँपालिका वडा नम्बर ३ मा वडा स्तरीय हाजिरी जवाफ प्रतियोगिता सम्पन्न भएको छ ।

शुक्रबार वडा नं ३ को वडा शिक्षा समितिको आयोजनामा आधारभूत तह कक्षा (४–५)को वडा स्तरीय हाजिरी जवाफ प्रतियोगिता सम्पन्न भएको हो ।

उक्त कार्यक्रममा कल्याण माध्यमिक विद्यालय, चिम्चोक माध्यमिक विद्यालय, कल्याण आधारभूत विद्यालय छेलाङ र नेत्रावती आधारभूत विद्यालय गरि ४ वटा विद्यालयको विद्यार्थीहरुको उपस्थिती रहेको थियो ।

उक्त प्रतियोगितामा चिम्चोक माध्यमिक विद्यालयले प्रथम स्थान, कल्याण आधारभूत विद्यालय छेलाङले द्धितिय स्थान, कल्याण माध्यमिक विद्यालयले तृतिय स्थान र नेत्रावती आधारभूत विद्यालयले सान्त्वना हासिल गर्न सफल भएको वडा अध्यक्ष राज कुमार गुरुङले बताउनुभयो ।

प्रथम, द्धितिय, तृतिय र सान्त्वना हुने सम्पूर्ण विद्यार्थीलाई स्टेशनरी सामाग्री वितरण गरिएको वडा अध्यक्ष गुरुङले बताउनुभयो । कार्यक्रममा ४/४ जनाको समूह रहेको थियो ।