गंगाजमुना गाउँपालिका –५ मा विद्यालय स्तरीय हाजिरी जवाफ प्रतियोगिता सम्पन्न

धादिङ १४ भाद्र
उत्तरी धादिङको गंगाजमुना गाउँपालिका वडा नम्बर ५ मा विद्यालय स्तरीय हाजिरी जवाफ प्रतियोगिता सम्पन्न भएको छ ।

वडा नम्बर ५ को वडा अध्यक्ष कुमार बहादुर अधिकारीको अध्यक्षतामा सम्पन्न भएको उक्त कार्यक्रममा गाउँपालिका उपाध्यक्ष रामेश्वर सिंम्खडाको प्रमुख आतिथ्यता रहेको थियो । वडाको आयोजनामा सञ्चालन भएको उतm कार्यक्रममा १० वटा सामुदायिक विद्यालय र १ संस्थागत गरी ११ वटा विद्यालयका विद्यार्थीहरुको उपस्थिती रहेको थियो ।

गंगाजमुना आधारभूत विद्यालयमा सञ्चालन गरिएको उक्त कार्यक्रममा कक्षा १ देखि ३ को एक समूह र ४ देखि ५ को अर्को समूह रहेको थियो जस अन्र्तगत १ देखि ३ को ११ समूह र ४ देखि ५ को ५ वटा समूह रहेको थियो ।

कक्षा १ देखि ३ तर्फको प्रतियोगितामा गंगाजमुना एकेडेमीले प्रथम स्थान, सरस्वती आधारभूत विद्यालयले द्धितिय स्थान र हिलेपोखरी आधारभूत विद्यालयले तृतिय स्थान हासिल गरेका थिए । त्यसै गरी कक्षा ४ देखि ५ तर्फको प्रतियोगितामा सरस्वती आधारभूत विद्यालयले प्रथम स्थान, हिलेपोखरी आधारभूत विद्यालयले द्धितिय स्थान र मण्डली माध्यमिक विद्यालयले तृतिय स्थान हासिल गर्न सफल भएका थिए । कार्यक्रममा ३/३ जनाको समूह रहेको थियो ।

वर्ष भरिमा १० वटा अतिरिक्त क्रियाकलाप राखेको र आज सम्म २ वटा सम्पन्न भएको र आउदो कार्यक्रम असोज महिनामा ढाँडखर्क आधारभूत विद्यालयले सञ्चालन गर्ने अध्यक्ष अधिकारीले बताउनुभयो । उक्त कार्यक्रम वडाको आर्थिक सहयोगमा सम्पन्न भएको थियो ।