गंगाजमुना –१ मा वडा स्तरीय हाजिरी जवाफ प्रतियोगिता सम्पन्न

धादिङ १४  भाद्र
उत्तरी धादिङको गंगाजमुना गा.पा वडा न १ मा वडा स्तरीय हाजिरी जवाफ प्रतियोगिता सम्पन्न भएको छ ।

वडा न १को शिक्षा समितिको आयोजनामा आधारभुत तहको हाजिरी जवाफ प्रतियोगिता सम्पन्न भएको हो ।

गंगा जमुना गाउँपालिका वडा नम्बर १ का वडा अध्यक्ष बहादुर तामाङको अध्यक्षतामा सञ्चालन भएको प्रतियोगितामा वडा सचिव पुष्कर महरा, वडा शिक्षा समितिका सचिव एवम् री गाउँ माध्यमिक विद्यालयका प्रधानाध्यापक राम चन्द्र सिटौला र अन्य विद्यालयका प्रधानाध्यापकको आतिथ्यता रहेको री गाउँ माध्यमिक विद्यालयका प्रधानाध्यापक राम चन्द्र सिटौलाले जानकारी दिनुभयो ।

उहाँले प्रतियोगितामा रिचेत आधारभुत विद्यालय प्रथम, हिमालय आधारभुत विद्यालय द्वितीय, सितला देवि तृतिय र रि गाउँ माध्यमिक विद्यालय र देउराली आधारभुत विद्यालय सान्त्वना भएको बताउनुभयो ।

उक्त प्रतियोगितामा उत्कृष्ठ स्थान हाँसिल गरेका सम्पूर्ण विद्यार्थीहरुलाई वडा अध्यक्ष बहादुर तामाङ र वडा शिक्षा समितिका सचिव रामचन्द्र सिटौलाले पुरस्कार स्वरुप स्टेशनरी सामग्री प्रदान गर्नु भएको थियो ।

त्यसैगरि सोही वडाको री गाउँ माध्यमिक विद्यालयमा अन्तर सदनात्मक हाजिरी जवाफ प्रतियोगिता सम्पन्न भएको छ ।

प्रतियोगितामा निलो सदनका वसन्त तामाङ को समूह प्रथम,पहेलो सदनका नम्रता तामाङको समूह द्वितीय ,रातो सदनका मति तामाङको समूह तृतिय र हरियो सदनका अम्रित तामाङको समूह सान्त्वना भएको विद्यालयका प्रधानाध्यापक राम चन्द्र सिटौलाले बताउनुभयो ।