श्री कृष्ण जन्माष्टमीको अवसरमा बजार सरसफाई तथा मन्दिर सरसफाई कार्यक्रम सम्पन्न

धादिङ ९ भाद्र

धादिङको नीलकण्ठ नगरपालिका वडा नम्बर ३ मा रहेको धादिङ आवासिय माध्यमिक विद्यालयद्धारा श्री कृष्ण जन्माष्टमीको अवसरमा बजार सरसफाई तथा मन्दिर सरसफाई कार्यक्रम सम्पन्न भएको छ ।

विद्यालयको वार्षिक कार्यतालिका अनुसार स्वास्थ्य सम्बन्धि जनचेतना तथा मन्दिर सरसफाई कार्यक्रम सम्पन्न गरेको विद्यालयका प्रधानाध्यापक ईश्वरी प्रसाद पाण्डेले बताउनुभयो । विद्यालयमा रहेको रेडक्रस सर्कल, स्काउट, बाल क्लब लगायतका अन्य क्लबमा आवद्ध विद्यार्थी तथा शिक्षकको पहलमा विशेष गरि धादिङबजारमा रहेको ३ वटा कृष्ण मन्दिर क्षेत्रमा सरसफाई कार्यक्रम गरिएको उहाँले बताउनुभयो ।

विद्यालयले विद्यार्थीहरुलाई सैद्धान्तिक शिक्षा मात्र नभई व्यवहारीक शिक्षा पनि दिने उदेश्यले यस्ता कार्यक्रहरुको आयोजना गर्दै आईरहेको छ ।