धादिङमा बृहत खुल्ला रक्तदान कार्यक्रम सम्पन्न, ६१ जनाले गराए रक्तदान

धादिङ १९ साउन
धादिङमा बृहत खुल्ला रक्तदान कार्यक्रम सम्पन्न भएको छ ।

शुक्रबार साहारा महिला बचत तथा ऋण सहकारी संस्था लिमिटेडको २५औं स्थापना दिवसको अवसरमा रक्तदान कार्यक्रमको आयोजना गरि हो । उक्त रक्तदान कार्यक्रममा ३६ जना पुरुष र २५ जना महिला गरी ६१ जनाले रक्तदान गरिएको नेपाल रेडक्रस सोसाईटी धादिङका कोषाध्यक्ष नारायणकुमार श्रेष्ठले जानकारी दिनुभयो ।

साहारा महिला बचत तथा ऋण सहकारी संस्था लिमिटेडको आयोजना र नेपाल रेडक्रस सोसाईटी धादिङ शाखाको प्राविधिक सहयोगमा भएको थियो । नेपाल रेडक्रस सोसाईटी धादिङ शाखाले विरामीलाई आवश्यक पर्ने रगत अभावलाई मध्यनजर गर्दै विभिन्न संघ संस्थाको स्थापना दिवस लगायत विभिन्न कार्यक्रमको अवसरमा प्राविधिक सहयोग गरि रक्तदान कार्यक्रमको आयोजना गर्दै आएको छ ।