धादिङ जिल्ला स्तरीय कबड्डी कपको उपाधि टाईटन्स ‘ए’ लाई

धादिङ ३१ असार

सदरमुकाम धादिङबेसीमा सम्पन्न धादिङ जिल्ला स्तरीय पुरुष कबड्डी कप(सुपर लिग) को उपाधि आयोजक धादिङ टाईटन्स ‘ए’ ले जितेको छ ।

सोमबार भएको फाईनल खेलमा टाईटन्स ‘ए’ ले ‘बि’ टिम लाई ५७—१९ अंकले पछि पार्दै उपाधि जितेको हो ।

प्रतियोगितामा थाक्रे कबड्डी क्लब तृतिय भएको छ। प्रतियोगितामा थाक्रेका बिपिन तामाङ उत्कृष्ट खेलाडी, टाईटन्स ‘ए’ का प्रमोद श्रेष्ठ उत्कृष्ट रेडर, टाईटन्स ‘ए’ का जीवन श्रेष्ठ उत्कृष्ट डिफेन्डर, टाईटन्स ‘ए’ का विशाल सापकोटा सबै तर्फ उत्कृष्ट र टाईटन्स ‘बि’ का नविन गुरुङ उदयमान खेलाडी घोषित भएका छन् ।

प्रतियोगितामा प्रथम भएको टाईटन्स ‘ए’ ले ३० हजार, द्वितीय भएको टाईटन्स ‘बि’ ले २० हजार र तृतीय भएको थाक्रेले १० हजार नगदसहित ट्रफी मेडल र प्रमाण पत्र पाएका छन् ।

असार २९ गतेबाट सुरु भएको सुपर लिगमा ६ समुह सहभागी थिए ।