जनकल्याण साकोसको स्थापना दिवसको अवसरमा आयोजित रक्तदान कार्यक्रममा ११२ जनाले गराए रक्तदान

धादिङ २९ असार
जनकल्याण बचत तथा ऋण सहकारी संस्था मलेखुको स्थापना दिवसको अवसरमा आयोजना गरिएको रक्तदान कार्यक्रममा ११२ जनाले रक्तदान गराएका छन् ।

जनकल्याण बचत तथा ऋण सहकारी संस्था लि.को आयोजना तथा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोगमा भएको कार्यक्रममा ८६ जना पुरुष र २६ जना महिला गरी ११२ जनाले रक्तदान गरेको नेपाल रेडक्रस सोसाईटी रक्तसञ्चार सेवा केन्द्र धादिङका कोषाध्यक्ष नारायण कुमार श्रेष्ठले जानकारी दिनुभयो ।

गर्मी याममा संक्रामक रोगहरुका कारण हुन सक्ने रगत अभावलाई मध्यनजर गर्दै रगत परिपुर्ति गर्ने उद्धेश्यका साथ कार्यक्रमको आयोजना गरिएको कोषाध्यक्ष श्रेष्ठले बताउनुभयो ।

जनकल्याण बचत तथा ऋण सहकारी संस्था लि.ले हरेक वर्ष आफ्नो स्थापना दिवसको अवसरमा रक्तदान कार्यक्रमको आयोजना गर्दै आईरहेको छ ।