धादिङबेशीमा आजदेखि जिल्ला स्तरीय पुरुष कबड्डी प्रतियोगिता सुरु

धादिङ २९ असार

धादिङबेशीमा आजदेखि जिल्ला स्तरीय पुरुष कबड्डी प्रतियोगिता सुरु भएको छ ।

प्रतियोगितामा ६ वटा टिमको सहभागिता रहेको छ । जसमध्ये धादिङ टाईटन्स क्लब ए र बी, विल्केश्वर युवा क्लब ए र बी , थाक्रे कबड्डी क्लब र सुनौलो भैरवी युवा क्लब रहेका छन् ।

प्रतियोगीतामा प्रथम हुने टिमले ३० हजार, द्वितीय हुनेले २० हजार र तृतीय हुनेले १० हजार पुरस्कार नगद सहित मेडल र प्रमाण पत्र प्राप्त गर्ने छन् ।

साथै उत्कृष्ट खेलाडी‚ उत्कृष्ट रेडर‚ उत्कृष्ट डिफेन्डर‚ उत्कृष्ट अलराउन्डर र उदयमान खेलाडीहरूलाई पुरस्कार व्यवस्था गरिएको आयोजकले जनाएको छ ।

आफ्नो पहिलो स्थापना दिवसको अवसरमा धादिङ टाईटन्सले आजदेखि सुरु गरेको प्रतियोगीता ३१ गतेसम्म सञ्चालन हुने छ ।