नौविसे–मलेखु सडक खण्ड निर्माण कार्यका लागि १५ दिन राती बन्द गरिने

धादिङ २५ असार

पृथ्वी राजमार्ग अन्र्तगत नौविसे–मलेखु सडक खण्ड निर्माण कार्यका लागि रातको समय बन्द गरिने भएको छ ।

२०८१ असार २६ गते बुधबारदेखि साउन ९ गते बुधबारसम्म हरेक दिन बेलुका १० बजेदेखि बिहान ३ बजेसम्म राजमार्ग बन्द गरेर पुलको विम राख्ने कार्य गर्न लागिएको हो ।

चार वटा खोलाको पुलहरुमा (गडर लन्चिङ) विम राख्ने कार्य गर्नु पर्ने भएकोले रातको समयमा बन्द गरेर काम गर्न लागिएको नागढुंगा मुग्लिन सडक योजना(पूर्वी खण्ड) का योजना प्रमुख इश्वर बहादुर रिजालले जानकारी दिनुभयो ।

उक्त सडकखण्डमा पर्ने गणेश खोला, डाङडुङ, खेस्टे र पोखरे खोलाको पुलहरुको गडर लन्चिङ कार्य सुरु गर्न लागिएको छ । चार वटामा राख्नु पर्ने र समय लाग्ने भएर राजमार्ग बन्द गरेर निर्माण कार्य गर्न लागिएको उहाँले बताउनुभयो ।

एम्वुलेन्स र सुरक्षा निकायले प्रयोग गर्ने सवारी साधन बाहेक अन्य सवारी साधन पूर्ण रुपमा बन्द रहने छ । राजमार्ग भएर यात्रा गर्ने सवारी साधनहरुलाई वैकल्पिक मार्गको रुपमा गल्छी–विदुर–छहरे–टोखा सडक प्रयोग गर्न उहाँले आग्रह गर्नुभयो ।