धादिङको गल्छीमा जन्ती बोकेको बस दुर्घटना १ को मृत्यु, १७ गम्भीर घाइते

धादिङ ०८ मङ्सिर
धादिङको गल्छी गाउँपालिका वडा नं. ६ बैरेनी बजारमा आइतबार जन्ती बोकेको बस दुर्घटना हुँदा एक जनाको मृत्यु भएको छ भने ४० जना घाइते भएका छन् । नुवाकोटको बाँसगडीबाट अमलेखगञ्जतर्फ जाँदै गरेको बा २ ख ६२६८ नम्बरको जन्ती बोकेको बस आफै अनियन्त्रित भई दुर्घटना भएको हो । दुर्घटनामा परी बसमा सवार नुवाकोट जिल्ला बेलकोटगढी नगरपालिका–५ की १४ वर्षीया डोल्मा तामाङको घटना स्थलमै मृत्यु भएको जिल्ला प्रहरी कार्यालय धादिङका प्रहरी उपरीक्षक राजकुमार वैदवारले बताउनु भयो । घाइते ४० जना मध्ये १७ जनाको अवस्था गम्भीर रहेकोले उपचारका लागि काठमाण्डौको ट्रमा सेन्टर पठाइएको छ भने २३ जनाको बैरेनी र गल्छी स्वास्थ्य केन्द्रहरुमा उपचार भइरहेको जिल्ल प्रहरी कार्यालय धादिङले जनाएको छ ।