डिभिजन वन कार्यालय धादिङद्वारा हरित दस्ता स्वयंसेबकलाई बिदाइ –फोटोे फिचर

धादिङ १७ असार

डिभिजन वन कार्यालय धादिङले वन तथा वातावरण संरक्षण सम्बन्धि नियुक्त गरिएको हरित दस्ता स्वयंसेबकहरुलाइ बिदाइ तथा फेरि भेटौला कार्यक्रम सम्पन्न गरिएको छ ।

सोमबार एक औपचारीक कार्यक्रमको आयोजना गरि जिल्ला समन्वय समिति प्रमुख नवराज अधिकारी र प्रमुख जिल्ला अधिकारी राजेन्द्र देब पाण्डेको विशिष्ट आतिथ्यतामा हरित स्वयंसेबकहरुलाइ दोसल्ला र प्रमाणपत्रद्वारा सम्मान गरिएको थियो ।

गत फागुन १ गते बाट लागु हुने गरि बन तथा वातावरण संरक्षणको लागि १२ जना हरित स्वयंसेवकलाई कानुनी विधि प्रक्रिया पुर्याएर छनौटबाट नियुक्त गरिएको थियो । उक्त कार्यक्रमकै अवसरमा बन संरक्षण अभियान्ता भुमीरमण नेपाल , हलुका सवारी चालक,बन रक्षक लगायतलाई समेत सम्मान गरिएको थियो ।

धादिङका १३ वटै स्थानीय तहले हरित दस्ता नियुक्ति गरि हरेक बर्षको माघ महिना देखी असार १५ सम्म (६ महिनाको अवधि ) बन तथा वातावरण संरक्षण,डढेलो नियन्त्रण, बन पैदावरको संरक्षण,सार्वजनिक स्थलको संरक्षण,बिपदको घडीमा उद्वार लगायतका कार्यहरुमा परिचालन गरि समुदायमा हुने ठुलो धनजन तथा जोखिमको क्षतिबाट जोगिन सकिने सहभागी अतिथिहरुको भनाइ छ ।

उक्त हरित दस्त स्वयंसेवकले बन डढेलो नियन्त्रण,विभिन्न सामुदायिक बन र कबुलियत बनका पत्कर सङ्कलन,अग्निरेखा निर्माण,माइकिङ सचेतना अभियान , बृक्षारोपण,सालक बचाउ अभियान ,बन्यजन्तु उद्वार र ब्यबस्थापन,सार्वजनिक स्थल सरसफाइ र रङ रोगन, बिरुवा बितरण लगायतको कार्यहरू संचालन गरेको थियो ।

उक्त कार्यक्रममा जिल्ला समन्वय अधिकारी रामश्राय यादव , बन अधिकृतहरु, ससस्त्र प्रहरी बल १४ नम्बर गुल्मका प्रमुख डिएसपी राजकुमार कडेल,बन संरक्षणका अगुवा अभियान्त,नेपाल रेडक्रस धादिङका सभापति दुर्लभ कुमार तामाङ ,पत्रकारहरु लगायत विभिन्न सरोकारवाला ब्यक्तित्त्वहरुको सहभागी रहेको थियो ।

गत फागुन १ नियुक्ति भएको हरित स्वयंसेवक दस्ताको समय अवधी शनिबार सकिएको छ ।