चितवनको इच्छाकामना –३ फिस्लिङमा दुर्घटना हुँदा २० जना यात्रु घाईते

धादिङ ३२ जेठ

पृथ्वी राजमार्गअन्तर्गत चितवनको इच्छाकामना गाउँपालिका–३ फिस्लिङ नजिकै यात्रुबाहक बस त्रिशुली नदी किनारमा खसेको छ ।

आज बिहान दुई वटा सवारीसाधन एकापसमा ठोक्किँदा २० जना घाइते भएका छन् भने पाँच जनाको अवस्था गम्भीर रहेको छ ।

नेपालगञ्जबाट काठमाडौं तर्फ आउँदै गरेको भे १ ख ४०६२ नम्बर बस र विपरीत दिशामा रहेको बागमती प्रदेश ०१–०२९ च ३७२० नम्बरको कार आज बिहान साढे ७ बजेतिर एकापसमा ठोक्किदा बस त्रिशुली नदी किनारमा खसेको गजुरीस्थित जिल्ला ट्राफिक प्रहरी कार्यालय प्रहरी निरीक्षक रवीन्द्रकुमार श्रेष्ठले जानकारी दिनुभयो ।

जिल्ला ट्राफिक प्रहरी कार्यालय गजुरीका अनुसार कारमा सवार पाँच जना गम्भीर घाइते छन् । बसमा ४५ जना यात्री थिए । गम्भीर घाइते भएका कारमा सवार सबैलाई उपचारका लागि चितवन पठाइएको गजुरीस्थित जिल्ला ट्राफिक प्रहरी कार्यालय प्रहरी निरीक्षक रवीन्द्रकुमार श्रेष्ठले जानकारी दिनुभयो ।

बस त्रिशुली नदी किनारमा खसे पनि कार भने सडक किनारमै रहेको थियो । कारमा सवार २ जना र बस चालकको अवस्था गम्भीर रहेको प्रहरीले जनाएको छ ।