राज्यले आफुहरुलाई उचित खालको सेवा सुविधा नदिएको निवृत राष्ट्रसेवक कर्मचारीहरुको गुनासो

धादिङ ३० जेठ

निवृत राष्ट्रसेवक समाज, नेपाल जिल्ला कार्यसमिति धादिङको संयोजक केशरी प्रसाद पन्तले सम्पुर्ण निवृत राष्ट्रसेवक छाता सङगठन भएर अगाडी बढ्नुपर्ने र समुदाय विकासमा सहभागी हुनपर्ने बताउनुभएको छ ।

उहाँले बुधबार निवृत राष्ट्रसेवक समाज, नेपाल जिल्ला कार्यसमिति धादिङको पहिलो पालिका स्तरिय तथा नगर भेलामा आफ्नो भनाई राख्दै उक्त कुरा बताउनुभएको हो ।

उहाँले आफ्नो उर्बरा समय राज्यका निम्ति समर्पित गरेको तर अहिले आफुहरुलाई राज्यले राम्रो खालको सेवा सुविधा नदिएको भन्दै गुनासो समेत व्यक्त गर्नुभयो ।

उहाँले भन्नुभयो –‘अहिले देश ऋणमा डुबिरहेको छ कुन बेला हाम्रो सेवा सुविधा (पेन्सन) पनि काट्निे हो थाहा छैन । त्यही भएर हामी निवृत राष्ट्रसेवक एक ढिक्का भएर एक्यबद्धताका साथ अगाडी बढ्यौ भने फेरी पनि हामीले राज्यलाई सहयोग गर्न सक्छौ’ ।

निवृत राष्ट्रसेवक समाज नेपाल, जिल्ला कार्यसमिति धादिङको आयोजनामा रेडक्रस सभाहलमा सम्पन्न भएको कार्यक्रममा समितिको संयोजक केशरी प्रसाद पन्तको अध्यक्षता रहेको थियोे ।

उक्त भेलाबाट उद्धब प्रसाद रिजालको संयोजकत्वमा १९ सदस्यीय समितिको गठन गरिएको छ ।

उक्त कार्यक्रममा नेपाल सरकारबाट निवृत नेपाल प्रहरी, स्वास्थ्य सेवा, निजामती कर्मचारी, सशस्त्र प्रहरी, शिक्षक, न्यायीक समिति लगायत निवृत राष्ट्रसेवक कर्मचारीहरुको सहभागीता रहेको थियो ।