ग्रामिण यातायात सहकारी संस्था लिमिटेड धादिङद्धारा १५ सिट क्षमता भएको ईलेक्ट्रिक भ्यान संचालन

धादिङ २३ जेठ

ग्रामिण यातायात सहकारी संस्था लिमिटेड धादिङले १५ सिट क्षमता भएको ईलेक्ट्रिक (ईभी) भ्यान संचालनमा ल्याएको छ ।

विश्व वातावरण दिवसको अवसर पारेर विद्युतिय गाडी संन्चालनमा ल्याईएको सहकारीले जनाएको छ ।

आज उक्त गाडीको जिल्ला समन्वय समितिका उपप्रमुख नवराज अधिकारीले उद्ध्घाटन गर्नुभएको हो । सुरुदेखि संचालनमा आएका सवारी साधनहरु बढि दुर्घटनामा पर्ने गरेको र संस्थाले बढि मात्रामा घाटा परि बन्द हुने स्थितीमा पुगेको हुनाले कुनै व्यवसायलाई समस्या नपर्ने गरि ईभी भ्यान संचालनमा ल्याएको ग्रामिण यातयात सहकारी संस्था लिमिटेडका महासचिब बद्री प्रसाद सुवेदीले बताउनुभयो । अहिले सहकारीले एसी सहितको धादिङ काठमाडौं चल्ने १५ सिट क्षमता भएको १० वटा गाडी संचालन गरेको सुवेदीले बताउनुभएको छ । यसले वातावरण संरक्षणमा योगदान पुग्ने विश्वास रहेको सुवेदीले बताउनुभयो ।

ग्रामिण यातायात सहकारी संस्था लिमिटेडले बुधबारदेखि संचालनमा ल्याएको विद्युतीय गाडी खरिदको लागि श्रोत परिचालन साकोसले वित्तिय सहयोग गरेको हो । साकोसले व्यक्तिगत सदस्यहरुलाई ९.५ प्रतिशत ब्याजदरमा प्रदान गरिएको हो ।

कार्यक्रमका प्रमुख अतिथि समन्वय प्रमुख नवराज अधिकारीले सम्पुर्ण समुहलाई शुभकामना व्यक्त गर्नुहुदै यातायातको सेवा भनेको मानविय सहायता सेवा भएको बताउनुभएको छ ।

यातायात कर्मीहरुलाई यातायात सम्बन्धी विशेष तालिम प्रदान गरेर दुर्घटना न्युनीकरण गर्नुपर्ने बताउनुभयो । उहाँले कतिपय अवस्थामा व्यक्तिले हजारौ रुपैया खर्च गरेर सिक्न नसकेको ज्ञान त्यस्ता व्यवहारिक तालिमबाट सिक्न सकिने बताउनुभयो ।

त्यस्तै धादिङका नव नियुक्त प्रमुख जिल्ला अधिकारी राजेन्द्र देव पाण्डेले अब छिट्टै नै जिल्ला प्रशासन कार्यलयले धादिङबाट छुट्ने हरेक गाडीमा लेन अनुशासन को निती निर्माण गर्ने बताउनुभयो । उहाँले यदि सबै चालकहरुले लेन अनुशासन अपनाएमा केहि हद सम्म दुर्घटना न्युनीकरण हुने बताउनुभयो ।

त्यसैगरि ने.क.पा माओवादी केन्द्र जिल्ला संयोजक तथा सहिद स्मृति सञ्चार सहकारी संस्था लि.को अध्यक्ष मनराज भण्डारी (शैलेस)ले बदलिदो परिवेश अनुसार नेपालमा उत्पादन गरिएको बिजुलीको पुर्ण रुपमा सदुपयोग हुने बताउनुभयो । उहाँले विद्युत खपत गर्ने माध्यम यातायात पनि भएको र यसले मुलुकलाई आत्म निर्भर बताउन सहज बनाउने भन्दै आज विश्व वातावरण दिवसको अवसरमा प्रदुषण रहित विद्युतिय गाडीको उद्धधाटन हुनुभनेको एउटा सकारात्मक सन्देश समेत प्रवाह भएको बताउनुभयो ।

त्यस्तै पत्रकार महासंघ धादिङका अध्यक्ष राजाराम शर्माले यातायात व्यवसायीहरुले यातायात साधनमा लगानी गर्ने तर त्यसको जिम्मेवारी चालक र सहचालकले लिने र ति चालक र सहचालकहरुको अभद्र व्यवहारले गर्दा कहिले काही धादिङका यातायात व्यवसायीहरु विवादमा पर्ने गरेको बताउनुभयो । ग्रामिण यातायात धादिङले धादिङ काठमाडौंको लागि १० वटा ईलेक्ट्रिक भ्यान सञ्चालन गर्ने भएको छ ।