विश्व वातावरण दिवस : न्यु किवो वोर्डिङ धादिङमा वृक्षरोपण

धादिङ २३ जेठ

धादिङको न्यु किवो वोर्डिङ स्कुलले विविध कार्यक्रमका साथ विश्व वातावरण दिवस २०२४ लाई विशेष रुपमा मनाएको छ ।

बुधबार स्कुलले विश्व वातावरण दिवसको अवसर पारेर वृक्षरोपण गरि विश्व वातावरण दिवस २०२४ मनाएको हो ।

प्री प्राइमरी तह तर्फ वातावरण र पृथ्वी थिममा आधारित रहेर विभिन्न प्रोजेक्ट कार्यक्रम गरि वातावरण दिवसलाई विशेष रुपमा मनाएको हो भने सिनियर तर्फ कक्षा ६ र ७ का विद्यार्थीहरुले “our land , our future“ भन्ने मुल नाराका साथ विधालय हाताभित्र वृक्षरोपण गरि विश्व वातावरणमा दिवस मनाएको विद्यालयका अतिरिक्त क्रियाकलाप संयोजक अनुप भट्टले जानकारी दिनुभयो ।

त्यसै गरि विद्यार्थीलाई यस्तै विभिन्न क्रियाकलापमा समावेश गराइ जीवनउपयोगी र प्रयोगात्मक शिक्षा प्रदान गर्दै आएको विद्यालयका प्रधानाध्यपक प्रयास रेग्मिले बताउनु भयो ।