नीलकण्ठ बालमन्दिर माविले आफ्नो ५० औँ स्वर्ण महोत्सव मनाउदै

धादिङ १७ जेठ
धादिङको नीलकण्ठ बालमन्दिर माविले आफ्नो ५० औँ स्वर्ण महोत्सव मनाउने भएको छ ।

विद्यालयले स्वर्ण महोत्सवको अवसरमा बुधबार देखि विभिन्न कार्यक्रमहरु सुरु गरेको छ भने १९ गते विशेष समारोहका बीच पूर्व उपप्रधान एवं रक्षामन्त्री पूर्ण बहादुर खड्काको प्रमुख आतिथ्यतामा स्वर्ण महोत्सव मनाउन लागिएको प्रधानाध्यापक ध्रुव अधिकारीले बताउनु भयो ।

प्रधानाध्यापक अधिकारीका अनुसार बुधबार जिल्ला स्तरीय अन्तर मावि हाजिरी जवाफ प्रतियोगिता सम्पन्न् भएको छ भने बिहिबार पत्रकार सम्मेलनका साथ साथै अन्तर सदन नृत्य प्रतियोगिता सम्पन्न भएको छ ।

त्यसैगरी जेष्ठ १८ गते साँस्कृतिक झाँकी सहित प्रभातफेरि कार्यक्रम राखिएको छ भने १९ गते पूर्व उपप्रधान खड्काको प्रमुख आतिथ्यतामा स्वर्ण महोत्सव विशेष समारोह हुने भएको छ ।