पार्किङ गरेको गाडी चोरी गरेको आरोपमा प्रहरीद्धारा एक जना पक्राउ

धादिङ ०२ ज्येष्ठ
ललितपुरमा श्रृङ्खलाबद्ध रुपमा चोरी गरेको आरोपमा एक जनालाई प्रहरीले पक्राउ गरेको छ ।

पक्राउ पर्नेमा रामेछापको दोरम्बा गाउँपालिका–३ घर भई ललितपुर महानगरपालिका–२ सानेपा बस्दै आएका २९ वर्षीय गणेश बहादुर गौतम रहेका छन् ।

जिल्ला प्रहरी परिसर ललितपुरको टोलीले काभ्रे प्रहरीसँग समन्वय गरेर उनलाई काभ्रेको भुम्लु गाउँपालिका–१० बाट पक्राउ गरेको हो ।

ललितपुरमा पार्किङ गरेर राखेका बा १५ च ९८२५, बा १२ च ४७०६ र बा ७ च ७७० नम्बरको टाटा कम्पनीको पिकअप गाडीहरु श्रंखलाद्ध रुपमा चोरी भएको थियो ।

त्यसैगरी बा ७ च ७७० नम्बरको को पिकअप गाडी इलाका प्रहरी कार्यालय खानीखोला धादिङसँगको समन्वयमा खानिखोला धादिङबाट नियन्त्रणमा लिइएको परिसर ललितपुरका प्रवक्ता तथा एसपी नरेशराज सुवेदीले बताउनुभयो । पक्राउ परेका गौतमविरुद्ध चोरीको कसुरमा ललितपुर जिल्ला अदालतबाट ५ दिनको म्याद लिएर अनुसन्धान अघि बढाइएको उहाँले जानकारी दिनुभयो ।