रुविभ्यालीमा बृहत स्वास्थ्य शिविर सञ्चालन हुदै,सहभागी हुन गाउँपालिका अध्यक्षद्धारा अनुरोध

धादिङ २० बैशाख

धादिङको रुवी भ्याली आधारभुत अस्पताल, सेर्तुङमा बिशेषज्ञ सेवा सहित दुई दिने निःशुल्क स्वास्थ्य शिविर भोली २१ गते देखि सुरुहुने भएको छ ।

गाउँपालिकाको आयोजनामा सञ्चालन गरिने उक्त निशुल्क शिविरमा स्त्री रोग, बाल रोग, हाड जोर्नी, मुटु रोग, दन्त रोग सम्बन्धी विषयगत विशेषज्ञ द्धारा सेवा प्रदान गरिने भएको गाउँपालिकाले जनाएको छ । उक्त स्वास्थ्य शिविरमा जनरल सेवा लगायत ईसिजी, भिडियो एक्सरे र ल्याब परिक्षण सेवा समेत सञ्चालन गरिने भएको छ ।

गाउँपालिकाका सबै वडाका जनसमूदायलाई स्वास्थ्य परीक्षणको लाभ लिन समय मिलाएर रुविभ्याली आधारभुत अस्पतालमा उपस्थित भईदिनु हुन गाउँपालिका अध्यक्ष रामसिंह तामाङले अनुरोध गर्नुभयो । भोली २१ गते बाट सञ्चालन हुने स्वास्थ्य शिविर २२ गतेसम्म सम्म सञ्चालन हुनेछ ।