पृथ्वी दिवसको अवसरमा न्यु किबोका विद्यार्थीहरुद्धारा पशुपति मन्दिर परिसरमा सरसफाई

धादिङ १० बैशाख

धादिङको न्यु किबो बोर्डिङ स्कुलले पृथ्वी दिवसको अवसरमा आयोजना गरेको सरसफाई कार्यक्रम सम्पन्न भएको छ ।

सोमबार पृथ्वी दिवसको अवसर पारेर विद्यालयको ५० जना विद्यार्थीको समुह बनाई बजार नजिकै रहेको पशुपति मन्दिर परिसरमा सरसफाई कार्यक्रम सम्पन्न गरेको विद्यालयका सुचना अधिकारी अनुप भट्टले जानकारी दिनुभयो ।

साथै उहाँले विद्यार्थीहरुलाई सैद्धान्तिक ज्ञान मात्र नभएर व्यवहारिक ज्ञान पनि प्रदान गर्ने र विद्यार्थीहरुलाई सामाजिक सरसफाई तथा धार्मिक स्थलको महत्व बुझाउने उद्धेश्यले विद्यालयको वार्षिक शैक्षिक पात्रोमा उल्लेख गरिएको  हरेक कार्यक्रम तथा हप्ताको शुक्रबार यस्ता कार्यक्रमको आयोजना गर्दै आएको समेत जानकारी दिनुभयो ।