धादिङको खनियाबास गाउँपालिकामा मण्डली स्तरीय भलिबल प्रतियोगिता सुरु

धादिङ ३० चैत्र

धादिङको खनियाबास गाउँपालिकामा मण्डली स्तरीय भलिबल प्रतियोगिता सुरु भएको छ ।

नव वर्ष २०८१ को अवसरमा स्वस्थको लागि खेलकुद राष्ट्रको लागि खेलकुद भन्ने नाराका साथ यमचेत मण्डलीको आयोजना तथा खनियाबास–१ का कर्मचारीहरुको संयुक्त सह–आयोजनामा आयोजित मण्डली स्तरीय भलिबल प्रतियोगिता आजबाट सुरु भएको हो।

नयाँ बर्ष २०८१ सालको शुभकामना तथा खनियाबास –१ अन्तर्गत रहेका ७ वटै मण्डलीका पाष्टर अगुवा तथा जवान हरुको सम्बन्ध घनिष्ठ बनाउने उदेश्यले कार्यक्रमको आयोजना गरिएको यमचेत मण्डली सहायक पाष्टर नसुन तामाङले जानकारी दिनुभयो । पहिलो दिन आज पहिलो चरण सकिएको आयोजक मण्डलीका अध्यक्ष फिलिप तामाङले बताउनुभयो ।

पहिलो दिन विभिन्न मण्डलीहरुला जवानहरुको उपस्तिथि उत्साहजनक रहेको तामाङले जानकारी दिनुभयो । कार्यक्रमको समापन भोलि हुने अध्यक्ष तामाङले जानकारी दिनुभयो ।