भारतमा सवारी दुर्घटना हुँदा सात नेपालीको मृत्यु

धादिङ २७ चैत्र

भारतको उत्तराखण्डस्थित नैनीताल जिल्लामा सवारी दुर्घटना हुँदा सात नेपालीसहित आठ जनाको मृत्यु भएको छ ।

भारतीय मिडिया वन इन्डियाका अनुसार बेतालघाट नजिक भएको दुर्घटनामा अन्य दुई जना नेपाली घाइते भएको जनाएको छ ।

मृतक नेपालीहरु कञ्चनपुरको महेन्द्रनगर निवासी रहेको जनाइएको छ । उनीहरु घर फर्किंदै गर्दा दुर्घटनामा परेका थिए ।

मृत्यु हुनेमा ५० वर्षीय विस राम, ४५ वर्षीय धिरज, ४० वर्षीय अन्नत राम चौधारी, ३८ वर्षीय विनोद चौधरी, ५५ वर्षीय उदयराम चौधरी, ४५ वर्षीय तिलक राम चौधरी र ६० वर्षीय गोपाल हुनुहुन्छ । र घाइते हुनेमा नेपालीमा शान्ति चौधरी र छोटु चौधरी हुनुहुन्छ ।

अनलाईन साभार