वेनीघाट रोराङ गा.पा मा वन डढेलो नियन्त्रणको लागि पत्तर सङ्कलन सप्ताह सुरु

धादिङ २१ वेनीघाट धादिङ
धादिङको वेनीघाट रोराङ गाउँपालिकामा वन पर्यावरण संरक्षण तथा वन डढेलो नियन्त्रणको लागी पत्तर सङ्कलन सप्ताह सुरु भएको छ ।

बुधबार गाउँपालिकाको आयोजना डिभिजन वन कार्यालय धादिङ र सव डिभिजन वन कार्यालय वेनीघाटको सहकार्यमा वडा नम्बर ५ स्थित बिशाल संयुक्त सामुदायिक वनमा पत्तर सङ्कलन गरि डढेलो नियन्त्रणको डेमो(नमुना) प्रदर्शन गरिएको हो ।

गाउँपालिकाले प्राकृतिक वन तथा बनस्पति,जंगली जनावर र मानवीय जन धनको क्षति न्यूनीकरण गर्न गाउँपालिका भरिका सामुदायिक वन उपभोक्त समितिलाई वन डढेलो नियन्त्रण र सचेतना कार्यक्रम संचालन गरिने गाउँपालिका उपाध्यक्ष टाप बहादुर श्रेष्ठले सामुदायिक रेडियो रेडियो बिहानीलाइ बताउनु भयो ।

उहाँले डढेलो नियन्त्रणको उपकरण र तौरतारिकाको अभावले मानवीय क्षति समेत हुन पुगेकोमा दुःख व्यक्त गर्दै वन पर्यावरण संरक्षण सम्बर्द्धनमा नागरिक आफैको सक्रिय सहभागी हुनु पर्ने स्पष्ट पार्नु भयो ।

त्यस्तै प्रमुख प्रशासकिय अधिकृत नर्बदा घिमिरेले वन डढेलो नियन्त्रणका पुर्व तयारी,वन संरक्षणका लागी स्थानीय नागरिकको भुमिका जस्ता सचेतना अभियान संचालन गरि रहेको अवस्थामा चासो चिन्ता र कार्यन्वयन भने सामुदायिक वन उपभोक्त समितिले गर्न अवास्यक रहेको औल्याउनुभयो ।

वन डढेलोको कारणले नै मानिस र जंगली जनावर बीचको द्वन्द बडेको हुदा किसानले बाली समयमा भित्र्याउन नसक्नु,बाघको आतंक बड्नु जस्ता समस्या चुनौतीको रुपमा खडा भएको छ,यसबारे वेनीघट रोराङ गाउपालीका गम्भीर र सचेत रहेको प्रमुख प्रशासकीय अधिकृत घिमिरेको भनाइ छ ।

उक्त कार्यक्रममा गाउँपालिका उपाध्यक्ष टाप बहदुर श्रेष्ठ,प्रमुख प्रशासकीय अधिकृत नर्बदा घिमिरे,५ नम्बर वडा अध्यक्ष रोशन कुमार सिलवाल, २ नम्बर वडा अध्यक्ष हेमराज भुजेल,गाउँपालिका विपत व्यवस्थापन शाखामा कार्यरत मणिराज गुरुङ,सामूदायिक वन उपभोक्ता समिती लगायत स्थानीय नागरिकहरुको सहभागी रहेको थियो ।

गाउँपालिकाले वन संरक्षण सम्बन्धी सचेतनामूलक कार्यक्रमले वनसंरक्षणमा सहज हुने र विपत व्यवस्थापनका उपकरण सामाग्री तथा अन्य कार्यक्रमहरु आगामी आर्थिक वर्षहरुमा गाउँपालिकाले विशेष जोड आवश्यक रहेको स्थानीय नागरिकहरुको भनाई छ ।

केहि दिनको हावाहुरी र वर्ष संगै खडेरी लाग्न थालेको छ,यसरी नै खडेरी लम्बिने हो भने वन बिनास र मानवीय जनधनको क्षति गराउन सक्छ त्यसैले सबै सरोकारवाला निकाय समुदाय नागरिकहरु सचेत हुन जरुरी छ ।