अछाममा ट्याक्टर दुर्घटना हुँदा ५ जनाको मृत्यु ३ जना घाइते, मृतक र घाइते सबै एकै वडाका

अछाम १२ चैत्र

अछामको मेल्लेख गाउँपालिका ७ नन्देगडाको सुयडीमा ट्याक्टर दुर्घटना हुँदा ५ जनको मृत्यु भएको छ भने ३ जना घाइते भएका छन् ।

मेल्लेख गाउँपालिकामा सुदूरपश्चिम प्रदेश ०१००२त ४९७९ नम्बरको ट्याक्टर सोमबार बिहान साढे ९ बजे दुर्घटना भएको जिल्ला प्रहरी कार्यालय अछामका सूचना अधिकारी प्रहरी निरीक्षक अर्जुन सिंह साउदले जानकारी दिनुभयो ।

मृत्यु हुनेमा मेल्लेख–१ का ५५ वर्षीय रङ्ग धामी, १५ वर्षीय जनक धामी, ४५ वर्षीय प्रेम धामी, ३७ वर्षीय नरबहादुर धामी र २१ वर्षीय जनक धामी रहेका सूचना अधिकारी प्रहरी निरीक्षक अर्जुन साउदले जानकारी दिनुभयो ।

षोडशाबाट साँफेबगरतर्फ आउँदै गरेको ०१००२ त ४९७९ नम्बरको ट्र्याक्टर सुयडी नजिकै दुर्घटना भएको थियो ।

दुर्घटनामा ४२ वर्षीय लालबहादुर धामी, ४० वर्षीय हंस धामी र १५ वर्षीय देवेन्द्र धामी घाइते भएका प्रहरी निरीक्षक साउदले बताउनुभयो । मृतक र घाइते एउटै वडाका बासिन्दा हुन् । घाइते तीनैजनालाई उपचारका लागि बयलपाटा अस्पताल लगिएको प्रहरीले जनाएको छ ।

अनलाईन साभार