सिद्धेश्वर वचत ऋण सहकारी तान्द्राङ गोरखाको १४ औं बार्षिक साधारण सभा सम्पन्न

कृष्ण बहादुर लामिछाने
गोरखा ३० कार्तिक
सिद्धेश्वर वचत तथा ऋण सहकारी संस्था लिमिटेड तान्द्राङ गोरखाको १४ औं बार्षिक साधारण सभा शनिबार सम्पन्न भएको छ । कार्यक्रमका प्रमुख अतिथि भीमसेन थापा गाउँपालिकाका सामाजिक विकास समितिका संयोजक नारायण भट्टराईले दीप प्रज्वलन गरी साधारण सभाको उद्घाटन गर्नु भएको थियो । गाउँघरमा छरिएर रहेका साना –साना पुँजीलाई एकीकृत गरी आफ्ना शेयर सदस्यहरुलाई ब्यापार, कृषि तथा पशुपालन र वैदेशिक रोजगारमा सुलभ ब्याजदरमा ऋण प्रवाह गरी सदस्यहरुको जीवन स्तर उठाउने संस्थाको मुख्य उद्देश्य रहेको छ । यस संस्थाको कुल शेयर सदस्य ५ सय १४ जना, बाल वचतकर्ता १ सय १७ र ऐछिक  वचत कर्ता १ जना रहेको संस्थाको चुक्ता शेयर पुँजी २२ लाख ३३ हजार २ सय, निक्षेप ८६ लाख ३० हजार ८ सय ३३ रुपैंया र १ करोड ७ लाख २५ हजार ६ सय ७० लगानी रहेको छ ।

संस्थाको यस बर्षको खुद नाफा ४ लाख २० हजार २ सय ४४ रहेको छ । कार्यक्रममा असल ऋणी ३ जना , ब्यापार व्यवसाय गर्ने १ जना, कृषि तथा पशुपालन गर्ने १ जनालाई पुरस्कृत गरिएको थियो । त्यसै गरी शेयर सदस्यका छोरा/छोरी मध्ये सामुदायिक विद्यालयबबाट एस.इ.इ.परीक्षामा उच्चतम अंक प्राप्त गर्ने ३ जना छात्र/छात्रालाई समेत पुरस्कृत गरिएको थियो । संस्थाकी उपाध्यक्ष यशोदा खनालले स्वागत मन्तव्य राख्नु भएको कार्यक्रममा संस्थाका सचिव बद्री प्रसाद लामिछानेले संस्थाको गतिविधी, भावी कार्ययोजना र कोषाध्यक्ष केशरी प्रसाद खनालले संस्थाको रु १ करोड २० लाख २६ हजार ९९ रुपैंयाको आर्थिक प्रतिवेदन प्रस्तुत गर्नु भएको थियो । संस्थाका अध्यक्ष चेत प्रसाद बन्जराको अध्यक्षता रहेको कार्यक्रममा भिमसेन थापा गाउँपालिकाका सामाजिक विकास समितिका संयोजक नारायण भट्टराईको प्रमुख आतिथ्यता रहेको थियो । यसै गरी भीमसेन थापा गाउँपालिकाका वडा नं ३ का कार्यबाहक वडा अध्यक्ष रामजी प्रसाद दाहालको बिशेष आतिथ्यता रहेको थियो भने विभिन्न संघ संस्थाका प्रमुख तथा प्रतिनिधिहरु, संस्थाका संचालक समितिका सदस्यहरु र विभिन्न समितिका सदस्यहरुको र शेयर सदस्यहरुको सहभागिता रहेको थियो ।

३३ ऐछिक २