अन्तराष्ट्रिय महिला दिवसको अवसरमा वक्तृत्वकला प्रतियोगिता सम्पन्न,प्रशंसा श्रेष्ठ प्रथम

धादिङ २४ फाल्गुन

धादिङबेसीमा ११४ औं अन्तराष्ट्रिय श्रमिक महिला दिवसको अवसरमा वक्तृत्वकला प्रतियोगिता सम्पन्न भएको छ ।

विहिबार नीलकण्ठ नगरपालिकाको आयोजनामा भएको प्रतियोगितामा सुनौलो भैरवी मा.वि की प्रशंसा श्रेष्ठ प्रथम हुनुएको छ । त्यस्तै शंखादेवी मा.वि की अनिसा श्रेष्ठ द्धितीय, एड्भान्स एकेडेमीकी मन्जिला श्रेष्ठ, रामकोट मा.वि की सुनिता विश्वकर्मा तृतीय र पञ्चकन्या मा.वि की विपसना गुरुङ सान्त्वना हुनुभएको छ ।

“महिलामा लगानी, सभ्य र समुन्नत समाजको थालनी शिर्षकमा वक्तृत्वकला प्रतियोगिता गरिएको थियो । प्रतियोगितामा प्रथम हुनेलाई नगद रु. ५ हजार, द्धितीयलाई  ४ हजार, तृतीयलाई ४ हजार, सान्त्वना हुनेलाई  २ हजार सहित प्रमाणपत्र प्रदान गरिएको छ ।

नीलकण्ठ नगरपालिकाका उपप्रमुख दिपक विश्कर्माको अध्यक्षतामा भएको प्रतियोगितामा नगरपालिका भित्रका १८ वटा विद्यालयका विद्यार्थीहरुले सहभागिता जनाएका थिए ।