त्रिशूलीमा बस दुर्घटना हुँदा, ६ जनाको मृत्य

धादिङ २३ फाल्गुन

धादिङ गजुरीको गलौदीस्थित सडकमा बस दुर्घटना हुँदा ६ जनाको मृत्यु भएको छ ।

कपिलवस्तुबाट काठमाडौं आउँदै गरेको बस त्रिशूलीमा खस्दा ६ जनाको मृत्यु भएको गजुरीका प्रहरी नायव उपरीक्षक (डीएसपी) मदन कुँवरले जानकारी दिनुभयो ।

हालसम्म बसमा ४० जना यात्रु फेला परेको र धेरैको सकुशल उद्धार गरिएको डीएसपी कुँवरले बताउनुभयो ।

उद्धार कार्य जारी रहेको र थप विवरण आउन बाँकी रहेको उहाँले बताउनुभयो । उद्धार गरिएकाहरूलाई नजिकैका स्वास्थ्य संस्थामा पठाउने काम भइरहेको उहाँले बताउनुभयो ।