विविएस चौथो वर्षको परीक्षामा गणेश हिमाल क्याम्पसकी नवीना श्रेष्ठ जिल्ला प्रथम

धादिङ कार्तिक २८
त्रिभुवन विश्व विद्यालयद्धारा सम्बन्धन प्राप्त धादिङ जिल्लाको नीजि क्षेत्रबाट सञ्चालित उत्कृष्ठ क्याम्पस गणेश हिमाल क्याम्पस गणेश चोक धादिङबेसीकी नवीना श्रेष्ठ त्रिभुवन विश्व विद्यालयले लिएको विविएस चौथो वर्षको परीक्षामा ७९.८०५ प्रतिशत सहित जिल्ला प्रथम भएकी छन् । यस्तै ७६.८०५ प्रतिशतका साथ सोही क्याम्पसका अशोक बसौला जिल्ला द्धितीय भएका छन् । यसै गरी मीना घिमिरे, सारदा तामाङ, दीपक नेपाल, दुर्गा श्रेष्ठ, अमृत भट्ट , कृष्ण पाठक, नेत्र गुरुङ, रोशन श्रेष्ठ लगायत १३ जना विद्यार्थी प्रथम श्रेणीमा उत्तीर्ण हुन सफल भएका छन् । कुल ९१.४७ प्रतिशत विद्यार्थी उत्र्तीण गराउन सफल भएकोमा क्याम्पस प्रमुख ईश्वरी प्रसाद पाण्डेले सम्पूर्ण प्राध्यापक, विद्यार्थी, अभिभावक लगायत सम्पूर्ण सुभेच्छुकहरुलाई धन्यवाद प्रदान गर्नुभयो ।