मंसिर ७ गते धादिङबेसी र खहरेमा बृहत रक्तदान कार्यक्रम हुँदै

धादिङ २९ कार्तिक
यही मंसिर ७ गते धादिङ जिल्लाका फरक फरक २ स्थानमा बृहत खुल्ला रक्तदान कार्यक्रमको आयोजना गरिएको छ । ज्योती महिला विकास बचत तथा ऋण सहकारी संस्था र नेत्रावती बचत तथा ऋण सहकारी संस्थाले संस्थाको वार्षिक साधारण सभाको अवसरमा रक्तदान कार्यक्रम गर्न लागेका हुन् । अभियानकै रुपमा रक्तदान कार्यक्रमको समन्वय र प्राविधिक सहयोग गर्दै आएको नेपाल रेडक्रस सोसाइटी रक्त सञ्चार सेवा केन्द्र धादिङको प्राविधिक सहयोग हुने उक्त रक्तदान कार्यक्रम ज्योती महिला विकास बचत तथा ऋण सहकारी संस्थाले धादिङबेसीमा र नेत्रावती बचत तथा ऋण सहकारी संस्थाले अचने माध्यमिक विद्यालय खहरे धादिङमा गर्न लागेको हो । रक्तदान जीवन दान भएकाले सम्पूर्ण स्वयमसेवी रक्तदाताहरुलाई सहभागी भइ हाल काठमाडौँ लगायत देशैभर भएको रगत अभावलाई कम गर्न रक्तदान कार्यक्रमका अभियान्त एवं स्वयमसेवी रक्तदाता नारायण कुमार श्रेष्ठले जानकारी दिनुभयो ।