धादिङमा शहिद मुकुन्द सेन स्मृति दोस्रो खुल्ला फुटबल कप हुने

धादिङ १३ फाल्गुन

धादिङमा शहिद मुकुन्द सेन स्मृति दोस्रो खुल्ला फुटबल कप २०८० हुने भएको छ ।

दोस्रो मुकुन्द सेन स्मृति खुल्ला फुटबल प्रतियोगिता मुल आयोजक समितिको आयोजनामा नीलकण्ठ नगरपालिका वडा नम्बर ६ सुनौलाबजार टुडिखेलमा हुने प्रतियोगिताको बागमती सरकारको मुख्यमन्त्री शालिकराम जमकट्टेले उद्घाटन गर्नुहुने प्रतियोगिताको संयोजक लक्ष्मण रम्तेलले जानकारी दिनुभयो ।

१९ गते देखि २५ गते सम्म सञ्चालन हुने प्रतियोगितामा सहभागी जनाउनका लागि फाल्गुन १८ गते सम्ममा टिम दर्ता गराउनुपर्ने र टिम दर्ताको लागि १० हजार रुपैया शुल्क तिर्नुपर्ने संयोजक रम्तेलले जानकारी दिनुभयो ।

प्रतियोगितामा प्रथम पुरस्कार एक लाख एक्काईस हजार एक सय एघार र द्धितिय पुरस्कार ६० हजार पाँच सय एघार रुपैया नगदको साथमा शिल्ड,मेडल र प्रमाण पत्र रहेको छ भने उत्कृष्ट खेलाडी, सर्वाधिक गोलकर्ता र उत्कृष्ट गोलकिप्परलाई पाँच हजार नगद सहित शिल्ड,मेडल र प्रमाण पत्र प्रदान गरिने छ ।