नेत्रावती डब्जोङ २ मार्पाक पोखरामा बृहत सोनाम ल्होछार तथा गोरु जुधाई कार्यक्रम सम्पन्न

धादिङ ७ फल्गुण

धादिङको नेत्रावती डब्जोङ गाउँपालिका वडा नम्बर २ मार्पाक पोखरामा बृहत सोनाम ल्होछार तथा गोरु जुधाई कार्यक्रम सम्पन्न भएको छ ।

सोमबार सुकेला छार युवा क्लवद्धारा मञ्जुश्री संवत् २८६० औँ (डुक ल्हो)गरुड बर्ग सोनाम ल्होछारको अवसरमा बृहत सांस्कृतिक तथा शुभकामना आदन प्रदान कार्यक्रम, र गोरु जुधाई प्रतियोगिता आयोजना गरिएको थियोे ।

कार्यक्रम बागमती प्रदेश सभाका पुर्व उप सभामुख एवंम् सांसद राधिका तामाङको प्रमुख आतिथ्यतता संविधान सभा सदस्य विर बहादुर तामाङ(चम्पा सिङ )को विशेष आतिथ्यतामा सम्पन्न भएको कार्यक्रम संयोजक लालविर तामाङले रेडियो बिहानीलाई बताउनुभयो ।

राष्ट्रिय स्तरका चर्चित कलाकारहरु मन माया वाईवा, किसन सिजापति, सन्दिप स्याम्चेन, सरोज वाईवा लगायतको वेजोड लोक सांस्कृतिक प्रदर्शन रहेको कार्यक्रम व्यवस्थापन सुरेश लोप्चनले जानकारी दिनुभयो । उहाँले तामाङ जातिको मौलिक पहिचानलाई संस्थागत गर्न उर्जा प्रदान गर्ने बृहत सोनाम ल्होछार कार्यक्रमको आयोजना गरेको बताउनुभयो ।