न्यू किबो बोर्डिङ स्कुलको २२ औँ वार्षिक उत्सव तथा अभिभावक भेला सम्पन्न

धादिङ ३ फागुन
धादिङको न्यू किबो बोर्डिङ स्कुलमा २२ औँ वार्षिक उत्सव तथा अभिभावक भेला सम्पन्न भएको छ ।

बुधवार सरस्वती पूजाको अवसरमा भव्य कार्यक्रमका बिचमा उक्त कार्यक्रम सम्पन्न भएको हो । बागमती प्रदेश सांसद गोविन्द प्रसाद लम्सालको प्रमुख आतिथ्यतामा सम्पन्न भएको कार्यक्रममा जिल्ला प्रहरी कार्यलयका डि एस. पि. सन्तुलाल जैसवार, नेपाल पत्रकार महासंघ धादिङका अध्यक्ष राजाराम शर्मा,रेडियो बिहानीका स्टेशन म्यानेर निर तामाङ, नेशनल प्याब्सन केन्द्रीय सदस्य काशिनाथ कोईराला र जिल्ला खेलकुद विकास समिति धादिङका अध्यक्ष प्रताप सिंह तामाङको विशिष्ट आतिथ्यता रहेको थियो ।

विद्यालयले नया विद्यार्थी वाल वालिकाहरुको अक्षर शुभारम्भ नयाँ विद्यार्थी भर्नाको लागि उक्त कार्यक्रमको आयोजना गरिएको र सम्पुर्ण विद्यार्थीहरुले बनाएका पक्वान तथा विविध किसिमका सामग्रीहरू प्रदर्शनका लागि राखेको विद्यालयका प्रधानाध्यापक प्रयास रेग्मीले बताउनु भयो ।

त्यसैगरि उहाले उक्त श्रीपञ्चमीको अवसरमा अभिभावक दिवस समेत मनाईएको र करिव ६० ७० वना नयाँ विद्यार्थीहरुले निशुल्क भर्ना भईसकेको पनि बताउनुभयो ।