धादिङको न्यू धादिङ वोर्डिङ स्कुलमा चित्रकला प्रतियोगिता सम्पन्न

धादिङ २९ माघ
धादिङको न्यू धादिङ वोर्डिङ स्कुलमा चित्रकला प्रतियोगिता सम्पन्न भएको छ ।

विद्यालयको १५ औँ वार्षिक उत्सवको पुर्वसन्ध्यामा सदमुकाममा आसपासका ८ विद्यालयको १६ जना विद्यार्थी सहभागी गराई वातावरण जोगौँ (Save the Environment) भन्ने विषयबस्तुमा चित्रकला प्रतियोगिता सम्पन्न गरिएको विद्यालयका प्रिन्सिपल अभिषेक बसौलाले रेडियो बिहानीलाई जानकारी दिनुभयो ।

उक्त प्रतियोगिता विद्यालय स्तर विद्यालयमा अध्ययन गर्ने विद्यार्थीहरु गरि २ चरणमा प्रतियोगिता सञ्चालन गरिएको हो । उक्त प्रतियोगिताबाट विद्यालय स्तरमा नीलकण्ठ माध्यमिक विद्यालय प्रथम,वालमन्दिर मावि द्धितिय,एड्भान्स एकडेमी तृतिय भएको छ ।

त्यस्तै विद्यार्थीहरुमा वालमन्दिर माध्यमिक विद्यालयमा अध्ययनरत जस्मिन तिरुवा प्रथम, चिल्ड्रेनपार्क माविमा अध्ययनरत संगिता पोरे द्धितिय, एड्भान्स एकडेमी अध्ययनरत कामना गुरुङ तृतिय भएको प्रिन्सिपल बसौलाले बताउनुभयो ।

प्रतियोगितामा विजेता विद्यार्थी तथा विद्यालयलाई विद्यालय व्यवस्थापन समिती अध्यक्षद्धारा ट्रफि मेडल र प्रमाणपत्रले सम्मान गरिएको हो । साधना तामाङ र राम सिंखडाको निर्णायक रहेको कार्यक्रममा विव्यस समिती, शिक्षक विद्यार्थी लगायतको उपस्थिती रहेको थियो ।