गंगाजमुना गा.पा मा एकीकृत अखिल नेपाल शिक्षक संगठनको प्रशिक्षणात्मक कार्यक्रम सम्पन्न

धादिङ २१ माघ
धादिङको गंगाजमुना गाउँपालिकामा नेकपा माओवादी केन्द्र निकट एकीकृत अखिल नेपाल शिक्षक संगठनको गाउँपालिका परिषद तथा प्रशिक्षणात्मक कार्यक्रम सम्पन्न भएको छ ।

शनिबार एक विशेष भेलाको आयोजना गरि गाउँपालिका कमिटी अध्यक्ष यम बहादुर वानियाँको सभाध्यक्ष,पार्टी केन्द्रिय सदस्य पुष्प विक्रम मल्लको प्रमुख आतिथ्यतामा सम्पन्न भएको हो ।

जसमा पार्टी केन्द्रिय सदस्य राम बहादुुर भण्डारी, एकीकृत अखिल नेपाल शिक्षक संगठनको केन्द्रिय अध्यक्ष शंकर अधिकारी क्षेत्री,जिल्ला समन्वय समिती धादिङको प्रमुख नवराज अधिकारी, गाउँपालिका उपाध्यक्ष रामेश्वर सिंखडा, नेपाल शिक्षक महासंघको केन्द्रिय सचिव अर्जुन नगरकोटी लगायतको गाउँपालिका भरीका जन निर्वाचित जनप्रतिनिधी, नेकपा माओवादी केन्द्र निकट नेता तथा कार्यकर्ताहरुको भव्य सहभागीतामा सम्पन्न रहेको थियो ।