न्यु किबो बोर्डिङ स्कुलले विभिन्न कार्यक्रम गरी मनायो शहिद दिवस

धादिङ १६ माघ

धादिङको न्यु किबो बोर्डिङ स्कुलले विभिन्न कार्यक्रम गरी शहिद दिवस मनाएको छ ।

शहिदहरुको सम्झना र सम्मानमा लखन थापा पार्कमा लखन थापाको मुर्तिमा माल्यार्पण गरी शहिद दिवस मनाएको हो । बिहान प्राथनाको समयमा पनि एक मिनेट मौन धारणा गरेर शहीदहरुलाई सम्झीदै सम्मान व्यक्त गरे संगै लखन थापा पार्कमा पुगेर नेपालको प्रथम शहिद लखन थापाको मुर्ति अगाडी एक मिनेट मौन धारणा गरी फुलमाला र अबिर अर्पण गरी शहिद दिवसलाई विशेष रुपमा मनाएको हो ।

शिक्षा मन्त्रालयले जारी गरेको सुचना अनुरुप शैक्षिक क्रियाकलाप बन्द गरी अन्य शहिदहरुको सम्झना र सम्मानमा विभिन्न कार्यक्रम गरी मनाएको विद्यालयको प्रधानाध्यापक प्रयास रेग्मीले बताउनुभयो ।

सोहि अवसरमा, कक्षा सातका विद्याथीहरुले Indian School, Anantha Vidyanikentana School का विद्यार्थी सँगCollaborative presentation Programme on Cultural Heritage पनि सन्चालन गरी शहीद दिवसलाई सम्झन लाएक बनाएको Academic coordinator सिताराम महतले बताउनुभयो ।

न्यु किबो बोर्डिङ्गले विद्यार्थीहरुलाई समयको माग अनुसार सैद्धान्तिक शिक्षा संगसँगै व्यवहारीक र जीवन उपयोगी शिक्षा प्रदान गर्ने उद्देश्यले यस्ता अतिरिक्त क्रियाकलाप सञ्चालन गर्दै आइरहेको विद्यालयका अतिरिक्त क्रियाकलाप संयोजक अनुप भट्टले बताउनुभयो ।