भव्य रुपमा सम्पन्न भयो,न्यू धादिङ वोर्डिङ स्कुलमा यस वर्षको खेलकुद उत्सव

धादिङ १३ माघ

न्यू धादिङ वोर्डिङ स्कुलमा खेलकुद उत्सव भव्य रुपमा सम्पन्न भएको छ ।

सदरमुकाम धादिङवेशी मिलनटोलमा अवस्थित विद्यालयले एक समारोहको आयोजना गरि वार्षिक रुपमा सञ्चालन गरिने खेलकुदलाई भव्य रुपमा सम्पन्न गराएको हो । गत ९ गते देखि सञ्चालनमा रहेको उक्त खेलकुदमा विद्यालयका ४ सय ५० जना विद्यार्थीहरु २५ भन्दा बढि खेल विद्यामा सहभागी भएको थियो ।

उक्त प्रतियोगितामा टेवल टेनिस,ब्याटमिन्टन, फुटवल, डोरी तान,बागचाल,बुद्धिचाल(चेस),दौड प्रतियोगिता लगायतका ऐथ्लेटिक्स तर्फका खेलहरु प्रतियोगितामा समावेश गरि खुल्ला, व्यक्तिगत तथा सदानात्मक रुपमा सञ्चालन गरि Teacher Game पनि सम्पन्न गरिएको विद्यालयका प्रिन्सिपल अभिषेक बसौलाले रेडियो बिहानीलाई बताउनुभयो ।

जसमा Yellow House.House Of The Year हुन सफल भएको प्रिन्सिपल बसौलाले बताउनुभयो । विजेता सबै खेलाडीलाई ट्रफि मेडल प्रमाणपत्रले सम्मान गरिएको थियो ।

शारिरीक तथा मानसिक बिकासका साथै अनुशासन र आफु भित्रको प्रतिभालाई प्रस्फुटन गर्न स्कुलले वार्षिक रुपमा खेल सप्ताह मनाउदै आएको छ ।